Paolillo: Mirë që shmangëm Realin dhe Barcën

Drejtori i Interit, Ernesto Paolillo, është shumë i lumtur që ka shmangur një përballje gjigantësh ndaj Rael Madridit apo Barcelonës në çerekfinale të Ligës së Kampionëve. Interi ka pasur më shumë fat se të gjithë në short pasi do të përballet me Schalken.
“Unë do të thosha që jemi më të relaksuar se të gjithë, por do të jemi dyfish më të lumtur kur ta kemi eliminuar Schalken”.
“Ne jemi të qetë pasi ne ishim në gjendje të shmangim ekipet të cilat janë shumë të forta, por nuk mund të relaksohemi ndaj ekipeve më të vogla, pasi ato janë të gatshme për surpriza. Ne duhet ta kuptojmë se të gjitha ekipet që kanë arritur në këtë fazë janë të forta”, deklaroi Paolillo.

Category: Futboll