Dështon edhe Barcelona

Fillimi i takimit ishte i qetë me një Barcelonë e cila kontrollonte ndeshjen dhe e mbante topin më shumë në këmbë.
Në minutën e 29-të Xavi pason mirë deri te Thiago i cili shënon për ta dërguar klubin e tij në epërsi.
Me rezultat 1-0 përfundoi pjesa e parë por ishte pjesa e dytë vendimtare e këtij takimi.

Sociedadi nuk u dorëzua në asnjë çastë dhe si meritë e kësaj ata arritën të përmbysin rezultatin kundër klubit momentalisht më të mirë në botë, Barcelonës.
Në minutën e 71-të Demidov pason deri te Diego Ifran i cili shënon për të barazuar rezultatin.
Për të siguruar fitoren e klubit të tij dhe për t’i gëzuar tifozët u përkujdes, Xabi Prieto i cili shënon në minutën e 83 nga penaltia.
Me këtë humbje Barcelona ende mban kreun e tabelës me plotë 88 pikë, tetë më shumë se Real Madridi që është në vendin e dytë.