Het-trik i Rodriguez në fitoren e lartë të Liverpoolit

Liverpooli ka regjistruar fitore prej 5-0 kundër Brimingham Cityt, në garën për pozitën e katërt në tabelën e Ligës Premier.
Maxi Rodriguez shënoi golin e parë në fillim të ndeshjes (7’), ndërsa Dirk Kuyt dyfishoi epërsinë e vendasve (24’) dhe vendosi rezultatin e pjesës së parë.
Argjentinasi Rodriguez ishte realizues edhe i dy golave në pjesën e dytë (66’ dhe 74’) duke kompletuar kështu het-trikun e tij.
Ndërsa rezultatin përfundimtar të takimit e vendosi Joe Cole (86’).
Pas kësaj fitoreje, Liverpooli ka 52 pikë, katër më pak se vendi i katërt të cilin e mban Manchester City që të hënën luan kundër Blackburnit.

Category: Futboll