Villas Boas: Së pari trofetë, më pas krahasimi me Mou

Menaxheri i Chelseat, Andres Villas Boas, ka hedhur poshtë pohimet se ai është ‘I Veçanti’ i dytë, duke bërë shaka se ai shpreson që ta ketë titullin e tij personal pas fitimit të trofeve.
“Emri? Unë do të pres që të jem i suksesshëm. Unë shpresoj që të jem i suksesshëm dhe të më emëroni disi në fund. Kjo nuk është një shfaqje e një njeriu, është në pyetje krijimi i dashurisë dhe motivimit së bashku me ambiciet në ngritje të vazhdueshme, në sensin e punës në grup, jo vetëm me lojtarët, por edhe me anëtarët tjerë të stafit. Ndoshta duhet të më quani ‘Grupuesi’ pasi kam dëshirë që në grup t’i arrij objektivat”.

“Sfida për mua është të fitoj dhe atë sa më shpejtë që është e mundur, për të ndërtuar një platformë solide për të ardhmen. Mendoj se nuk dallon asgjë nga top klubet tjera. Sfidat me të cilat përballeni në jetën e përditshme janë që të jeni të suksesshëm dhe kjo sfidë më pret mua te Chelsea”, ka thënë Villas Boas.

Category: Futboll