Barca, seancë stërvitore me Napolin (VIDEO)

Barcelona ka regjistruar fitore të lartë prej 5-0 kundër Napolit në një ndeshje miqësore të vlefshme për trofeun “Joan Gamper”, e zhvilluar të hënën mbrëma në Camp Nou.
Skuadra më e mirë në Evropë shënoi dy herë në pjesën e parë dhe tri herë në të dytën kundrejt napolitanëve që këtë sezon do të garojnë në Ligën e Kampionëve.

Transferi i ri i Blaugranëve, Cesc Fabregas, hapi serinë e golave (26’), ndërsa Seidou Keita vendosi rezultatin e pjesës së parë (31’).

Në pjesën e dytë ishte Pedro Rodriguez që ngriti epërsinë në 3-0 (62’), ndërsa lojtari më i mirë në botë, Lionel Messi, shënoi dy herë (66’ dhe 77’) për ta zbukuruar edhe më shumë këtë takim.

Category: Futboll