Menezes i ngazëllyer me paraqitjen e Ronaldinhos

Përzgjedhësi i ekipit kombëtar të Brazilit, Mano Menezes, është i ngazëllyer me performacën e Ronaldinhos në fitoren 1-0 ndaj Ganës në miqësoren e zhvilluar mbrëmë në Londër.
Mesfushori i Flamengos bëri paraqitjen e tij të parë në 10 muaj dhe edhe pse nuk e ndezi stadiumin, megjithatë tregoi ca shkëlqim dhe ishte afër të shënojë në disa raste.

“Ai [Ronaldinho] luajti shumë mirë dhe ai është një lojtarë të cilin ne kemi nevojë ta kthejmë në ekip. Futbolli ndërkombëtar është shumë më i shpejtë sot dhe ai e kishte ca të vështirë në fillim”.

“Por pastaj ai u fut në ritëm dhe tregoi se çfarë mund të bëjë në pjesën e dytë. Ai luajti vërtet shumë mirë dhe portieri [i Ganës, Adambathia Kwarasey] bëri një mbrojtje të mirë nga ai. Ne kemi nevojë ta sjellim atë sërish në ekipin kombëtar”, ka thënë Menezes.

Category: Futboll