Rosell: Barca prodhon lojtarët më të mirë

Presidenti i Barcelonës, Sandro Rosell, thotë se klubi katalanas prodhon lojtarët më të mirë në botë në akademinë e të rinjve.
Lojtarët si Xavi, Andres Iniesta, Sergio Busquets e Carles Puyol, janë në mesin e shumë lojtarëve që kanë ardhur nga La Masia (kampi i të rinjve të Barcelonës), dhe Rosell e ka bërë të qartë se klubi nga Camp Nou ka bërë zgjidhje të mençur që ka zgjedhë të investojë në talentët e rinj.

“Për të pasur lojtarë të mirë ju ose mund t’i bleni ata nga klubet tjera ose t’i zhvilloni në shtëpi. Ne qartas kemi zgjedhur opsionin e dytë”.

“Në La Masia ne prodhojmë lojtarët më të mirë në botë. Ne jemi më se të kënaqur që i paguajmë ata mirë, pasi kjo do të thotë se ata janë lojtarët më të mirë”, ka thënë Rosell.

Category: Futboll