Villas-Boas mund të mos blejë në janar

Menaxheri i Chelseat, Andre Villas-Boas thotë se ai ende nuk ka vendosur nëse do të sjellë përforcime të reja në janar, pavarësisht formës së dobët që po kalon skuadra e tij.
“Ne duhet të presim dhe të shohim. Për momentin [afati] nuk është hapur. Ju e keni parë se si ne jemi sjellë në afatin kalimtar të gushtit – ndryshe nga klubet tjera. Ne kemi shmangur turbullirat në javën e parë dhe ishim të fuqishëm në fund të afatit kalimtar dhe mendoj se kemi bërë disa marrëveshje të mira”.

“Andaj ne duhet të vendosim nëse duam ta forcojmë skuadrën ose jo. Ne do të shohim edhe nëse do të kontaktohemi nga klube të tjera sa u takon lojtarëve tanë, që po ashtu mund të ndodhë, pastaj do të marrim vendimet më të mençura”, ka thënë portugezi.

Category: Futboll