Ende e ka fjalën Juventusi (VIDEO)
Gjysma e parë nuk dha shumëçka për të shijuar dhe i tillë ishte rezultati, 0-0.
Megjithatë, duhet theksuar se mysafirët ishin skuadër shumë më e mirë. Bianconerët nuk patën shumë raste shënimi, mirëpo Rossonerët nuk krijuan asgjë.
Nuk kaluan shumë minuta brenda gjysmës së dytë dhe angazhimi i bardhezinjve u shpagua. Një top të kthyer nga portieri vendas e shfrytëzoi transferi i ri i Juves, Martin Caceres, për ta shënuar golin e epërsisë (53’).
Mirëpo, kuqezinjtë arritën që të ktheheshin shpejtë në lojë duke e barazuar rezultatin. Stephan El Shaarawy pranoi një top nga Ambrosini për ta mposhtur Storarin (62’).Ishte padyshim nga mbrëmjet më të bukura në karrierën e Caceres, i cili shënoi një supergol (83’) për ta kthyer avantazhin e Zonjës së Vjetër.
Deri në fund të takimit, vendasit nuk arritën që së paku ta barazonin rezultatin, ashtu që dolën kokulur nga kështjella e tyre.
Pas kësaj ndeshjeje, Juventusi konsiderohet favorit për t’u kualifikuar në finale të Coppa Italia, duke qenë se ndeshja e kthimit zhvillohet në Juventus Stadium.
Category: Futboll
juventusi nuka diskutim per ne callco liga
ReplyDelete