Drogba: Do ta eliminojmë Napolin

Sulmuesi i Chelseat, Didier Drobga, thotë se Blutë janë të aftë ta përmbysin rezultatin nga ndeshja e parë e Ligës së Kampionëve ndaj Napolit.

Blutë do të dalin nesër në Stamford Bridge me një disavantazh 3-1, por Drogba është i bindur në një fitore më të lartë dhe kualifikim në çerekfinale të garës evropiane.

“Ne mund t’ia dalim pasi kemi lojtarët, qasjen dhe karakterin. Ne kemi bërë gjëra më të vështira në të kaluarën, vetëm duhet të krijojmë ca më shumë dhe të kemi më shumë fat. Kundër Stoke ne mund të kishim shënuar tre ose katër gola nëse nuk kishim goditur shtyllën dhe transversalen”.

“Këto janë ndeshje në të cilat ju keni nevojë për mbështetje të fuqishme, të mirë të publikut, edhe nëse ne bëjmë gabime. Ky është një moment i vështirë për Chelsean, andaj kemi nevojë që tifozët të na mbështesin”, ka thënë Drogba.

Category: Futboll