UEFA: Fusha e San Siros, e mirë

Përfaqësues të UEFA-s kanë mbrojtur gjendjen e fushës së San Siros pas ankesës së Barcelonës që bëri ankesë zyrtare me pretekstin se fusha e pa përshtatshme ndryshoi rrjedhën e takimit.
Barcelona bëri ankesë me pretekstin se gjendja e keqe e fushës ndikoi në lojën e ekipit katalanas, por drejtori i UEFA-s, Giorgio Marchetti, ka hedhur poshtë këtë ankesë duke thënë se Interi dhe Milani po bëjnë ç’mos që fusha të jetë sa më e mirë.

“Interi dhe Milani po tentojnë të rregullojnë problemin duke shtruar barin disa herë gjatë sezonit, por shumë ndeshje janë luajtur në kushte më pak se ideale. Por, kur e kemi parë gjendjen e fushës para sfidës ndaj Barcelonës, gjithçka ishte në rregull. Është dallim mes një fushe të pranueshme për ne dhe një fushe ideale”, ka theksuar Marchetti.

Ndeshja e parë përfundoi me rezultat të barabartë 0-0, kurse ndeshja kthyese zhvillohet të martën në Camp Nou.

Category: Futboll