Edhe Arsenali pas Hazard

Arsenali është duke bërë përpjekje për ta transferuar yllin e Lille, Eden Hazard, para syve të dy gjigantëve të Manchesterit, Cityt dhe United.

Hazard së fundi ka konfirmuar se ai do të luajë në Ligën Premier dhe se me gjasë qyteti i tij i ardhshëm do të jetë Manchesteri, edhe pse është përfolur edhe për një transferim të tij te Chelsa.

Por drejtori i klubit francez, Frederic Paquet, ka zbuluar se edhe një klub tjetër po ashtu është duke luftuar për të marrë shërbimet e mesfushorit dhe sipas Daily Star ky është Arsenali.

Menaxheri Arsene Wenger është një admirues i madh i 21-vjetarit dhe e ka përcjellë atë për tashmë disa vite.

Wenger është i vendosur ta përforcojë skuadrën me qëllim që të luftojë për trofe në sezonin e ardhshëm, megjithatë shuma prej 32 milionë eurosh, sa kërkon Lille për lojtarin, mund të jetë e papranueshme për francezin.

Category: Futboll