Gattuso: Nëse nuk luaj sa duhet, do të pensionohem

Gennaro Gattuso ka bërë të ditur se do të pensionohet nga futbolli nëse Milani nuk i garanton minutazh më të madh në sezonin e ardhshëm.

Mesfushorit italian i skadon kontrata në fund të sezonit aktual dhe pritet që ai të bisedojë me drejtuesit e klubit rreth kontratës së re.

Megjithatë, 34-vjeçari ka thënë se nëse nuk i premtohet përfshirje më e madhe në ekipin e parë, atëherë do ta braktisë futbollin.

“Do të flas me Gallianin për të ardhmen time. Nëse nuk luaj, atëherë do të qëndroj në shtëpi me fëmijët e mi dhe do të jem baba”.

“E rëndësishmja është që të luaj, të ndjej se jam gjallë. Përmbajtja e kontratës nuk është e rëndësishme”, u ka thënë Rino gazetarëve.

Category: Futboll