Hart më i mirë se Casillas?

Ish-portieri i Manchester Cityt dhe Anglisë, David James, beson se Joe Hart është më i mirë se portieri i Real Madridit dhe Spanjës, Iker Casillas, dhe se është më i miri në Evropë.

“Joe është më i mirë se Casillas. Ai [spanjolli] është i njohur si numri një pasi ka fituar Kupën Botërore, Kampionatin Evropian dhe ka pasur fatin të jetë në një prej klubeve më të mira në Evropë për shumë vite”.

“Por Joe është dhjetë herë më i mirë se Casillas. Ai i bën gjithë ato mbrojtje, ai i kap të gjitha harkimet. Ai mund të bëjë shumë më shumë se Casillas”.

“Nëse Casillas do të ishte në Ligën Premier, ai do të dështonte. Vendosni atë te skuadra e Wolves. Do ta shihni sa i mirë është ai. Joe është kryekëput mbi të çdo portier tjetër”, ka thënë James.

Category: Futboll