Ozil tifoz i Bayernit në finalen e LK-së

Mesfushori i Real Madridit, Mesut Ozil, shpreson që Bayern Munichu që mposhtë Chelsean në finale të Ligës së Kampionëve në Allianz Arena më 19 maj.

Kampionët e rinj të Spanjës u eliminuan nga gara evropiane pikërisht nga Bayerni në gjysmëfinale, dhe Ozil tash thotë se edhe pse eliminimi dhemb, ai dëshiron që gjiganti gjerman të kurorëzohet me titullin e më të mirit të Evropës.

“Unë jam tifoz i Bayernit në finale. Të fitojmë titullin e La Ligës ka larguar mendjen tonë nga eliminimi i Ligës së Kampionëve”.

“Por frustrimi rikthehet tash që finalja afrohet. Ne do të duhet të provojmë edhe një herë sezonin e ardhshëm”, ka thënë Ozil.

Real Madridi herën e fundit e ka fituar Ligën e Kampionëve në sezonin 2001/02, kur mposhti Bayer Leverkusen me rezultat 2-1 në finalen e zhvilluar në Hampden Park.

Category: Futboll