Mata: Ende kam shumë energji

Juan Mata thotë se ai nuk është lodhur nga sezoni i gjatë i Chelseat, që është përvoja e tij e parë në sezonin torturues të Ligës Premier.

Spanjolli, i cili arriti në Stamford Bridge nga Valencia verën e kaluar, ka qenë një prej shtyllave të suksesit të Bluve këtë sezon, duke ndihmuar skuadrën të ngrejë trofeun e Kupës FA (pas fitores 2-1 ndaj Liverpoolit) dhe duke e çuar atë në finale të Ligës së Kampionëve.

“Kam ende shumë energji të mbetur. Është një sezon i gjatë dhe i pari i imi në Angli, por dobitë e të fituarit me lehtësi mposhtin lodhjen”, ka thënë Mata.

Chelsea sonte do të përballet me Liverpoolin për të dytën herë radhazi brenda katër ditësh, kësaj here në kuadër të Ligës Premier.

Category: Futboll