‘Reali do ta fitojë LK-në pas një ose dy vitesh’

Real Madridi do ta fitojë Ligën e Kampionëve më së largu deri në vitin 2014 – ka deklaruar Jose Mourinho.

Në dy vite të drejtimit nga portugezi, Los Blancos janë eliminuar në gjysmëfinale të garës më të madhe evropiane për klube (nga Barcelona dhe Bayern Munichu), ndërsa Mourinho planifikon ta kthejë në Madrid, trofeun të cilin klubi i tij herën e fundit e ka fituar në vitin 2002.

“Kam qenë i bekuar nga Zoti në Ligën e Kampionëve, edhe pse kam humbur disa gjysmëfinale”.

“I kam fituar dy. Disa nga këta lojtarë nuk e kanë fituar asnjëherë dhe Real Madridi e dëshiron trofeun e dhjetë të këtij lloji”.

“Mirëpo, ne nuk jemi të obsesionuar: nëse vazhdojmë t’i bëjmë gjërat në mënyrën si e kemi bërë pas arritjes në dy gjysmëfinale, titulli do të vijë pas një ose dy vitesh. Nuk ndihmon obsesioni, por ëndrra”, citon AS fjalët e Mourinhos.

Category: Futboll