Scholes do të luajë në sezonin tjetër

Trajneri i Manchester Unitedit, Sir Alex Ferguson, ka konfirmuar se Paul Scholes ka nënshkruar kontratë të re njëvjeçare me klubin nga Old Trafford.

Që pas kthimit nga pensionimi në muajin janar, 37-vjeçari po e mban pozitën e mesfushorit më mirë se cilido zëvendësues i tij, prandaj trajneri ka preferuar ta mbajë edhe për një vit.

“Është kryer. Ai po qëndron. Jam i ngazëllyer. Ai e dinte se ka gabuar (që u pensionua). Tash, ai e kupton se nëse luan 25 ose 30 ndeshje në sezonin e ardhshëm, ato do të jenë të një kualiteti të lartë”.

“Mendoj se ky do të jetë sezoni i fundit i Paul. Ne e njohim atë shumë mirë. Ne e kemi pasur atë që si fëmijë. Ne dimë si ta përdorim”, ka thënë Sir Alex.

Category: Futboll