Vettel të nënshkruajë me Ferrarin?

Piloti gjerman i Formula 1, Sebastian Vettel, nga viti 2014 do ta vozisë bolidin e Ferrarit – njofton portali Sportal.

Sipas burimeve të afërta me dy herë kampionin e botës, piloti i Red Bull pritet të nënshkruajë një parakontratë me Ferrarin, e cila e detyron atë që pas skadimit të kontratës me skuderinë aktuale (në vitin 2014) të kaloje te ekipi italian.

Ndërkaq, sipas marrëveshjes, shefat e Ferrarit detyrohen që të ndërtojnë një bolid konkurrues për fitimin e titullit.

Plani është që Ferrari të krijojë partneritetin Fernando Alonso-Sebastian Vettel, ndërsa vendin e gjermanit te Red Bull, pritet ta zë britaniku Lewis Hamilton.

Category: Formula 1