Chievo blen kartonin plotë të Hetemajt

Mesfushori shqiptar Përparim Hetemaj ka kaluar në pronësi të plotë të Chievo Veronas nga Brescia.

Kosovari me nënshtetësi finlandeze kaloi në kampionatin italian te Brescia në janar të vitit 2010 nga skuadra holandeze Twente.

Me Brescian ai luajti 34 herë dhe shënoi dy gola, para se verën e kaluar të kalojë te Chievo, në formë bashkëpronësie.

Hetemaj luajti në 32 ndeshje të Serie A dhe tre të Kupës së Italisë për Chievon, që tash ka blerë edhe gjysmën tjetër të kartonit të tij.

Category: Futboll