Del Neri lavdëron Conten

Ish-trajneri i Juventusit, Gigi del Neri, ka lavdëruar Antonio Conten pasi ky i fundit ia solli skuadrës titullin e kampionit.

Bianconerët përfunduan në pozitën e shtatë dhe dështuan të kualifikohen në Evropë nën drejtimin e Del Nerit një vit më parë, por këtë sezon ata fituan Scudetton dhe arritën në finale të Kupës së Italisë.

“Conte ka një ADN të caktuar në futbollin e tij dhe një mentalitet fituesi. E admiroj atë shumë. E gjithë skuadra meritoi të fitojë dhe kjo më ka bërë shumë të lumtur”.

“Isha tepër i pafat gjatë kohës time me klubin. Para serisë së jashtëzakonshme të lëndimeve, ne kishim rezultate shumë të mira. Nëse po të kisha një ekip më të madh, kush e di çfarë mund të kishte ndodhur”, ka thënë Del Neri për Tuttosport.

Category: Futboll