Juve 30 milionë për Torres

Juventusi ka kthyer vëmendjen kah sulmuesi i Chelseat, Fernando Torres, derisa synon të sjellë një emër të njohur gjatë afatit kalimtar veror.

Goal raportohet se Bianconerët tashmë kanë bërë një ofertë fillestare në vlerën e 30 milionë eurove për spanjollin.

Kampionët e Serie A fillimisht ishin fokusuar në yllin e Napolit, Edinson Cavani, por nuk e kanë në plan të mbulojnë kërkesën prej 70 milionë euro për sulmuesin uruguaian.

Andaj janë duke shikuar edhe një herë në opsionet tjera dhe e kanë nënvizuar 28-vjeçarin Torres si cakun kryesor të ardhshëm.

Spanjolli ka dështuar te Chelsea që pas transferimit në vlerë prej 58 milionë euro në janarin e vitit të kaluar, dhe mund të lejohet të largohet nëse arrin ndonjë ofertë e duhur.

Category: Futboll