Thunder afër titullit të Perëndimit

Oklahoma City Thunder është vetëm një fitore larg për të fituar titullin e kampionit të Konferencës Perëndimore.

Thunder befasuan San Antonio Spurs duke e mposhtur në fushë të vet me rezultat 108-103 në ndeshjen e pestë finale.

Kevin Durant kryesoi me shënime te Thunder me 27 pikë, Russell Westbrook kontribuoi me 23 pikë të tjera, derisa Thunder morën avantazhin 3-2 në serinë e finaleve.

Manu Ginobili ishte më i sakti te skuadra vendase duke shënuar 34. Ndeshja e gjashtë mes dy finalistëve të Perëndimit do të zhvillohet të mërkurën në Oklahoma City.

Category: Basketboll