Mourinho: Nuk e di nëse Kaka shkon te Milani

Trajneri i Real Madridit, Jose Mourinho, ka pranuar se ai nuk e di saktësisht nëse Kaka do të jetë pjesë e ekipit nga Santiago Bernabeu në fillim të sezonit të ri.

Mourinho sqaroi se ai nuk e di të ardhmen e brazilianit dhe refuzoi të komentonte edhe për transferimin e Modric, duke mos zbuluar asgjë me rëndësi.

“Ai ashtu-kështu do të luajë 45 deri 60 minuta, por unë e kuptoj se ju dëshironi të dini nëse ai do të qëndrojë. Unë nuk e di këtë, as klubi e as vet lojtari nuk e di këtë. Por, nuk ka dyshime mes nesh: Ai e di se çfarë mendoj unë dhe unë e di se çfarë dëshiron ai”.

“Tregu është i hapur deri më 31 gusht dhe gjithçka mund të ndodhë. Por, përderisa ai është lojtar i Realit, ai do të stërvisë me ekipin e parë dhe do të luajë me ne. Ai do të udhëtojë në SHBA me ne në turneun parasezonal dhe nëse ai qëndron, unë do të jem i ngazëllyer, sepse ne mund të bëjmë ende gjëra së bashku”, ka thënë Mourinho.

I pyetur për tranfserimin e Modric, Mourinho refuzoi të flasë, për dallim në pyetjen për Kakan, ku së paku ishte i përgatitur.

“Unë nuk dua të flas për lojtarët e klubeve tjera”, e përfundoi deklaratën e tij portugezi.

Category: Futboll