Refuzohet oferta e Chelseat për Schurrle

Drejtori i Bayer Leverkusen, Wolfgang Holzhauser, ka thënë se klubi i tij e ka refuzuar një ofertë të Chelseat për shërbimet e Andre Schurrle.

Mediat kanë raportuar se Blutë ishin të gatshëm të paguanin 20 milionë euro për gjermanin 21-vjeçar, mirëpo drejtuesit e ekipit nga Bundesliga nuk e kanë pranuar ofertën.

“Kemi marrë një ofertë shumë konkrete nga Chelsea për Andre Schurrle në vlerë prej 20 milionë eurosh”.

“Të dyja klubet i shtynë figurat përpara dhe prapa, por ne në fund vendosëm ta mbanim Andren”, ka thënë Holzhauser.

Category: Futboll