Arsenali e nis me barazim

Edhe Arsenali nuk e ka filluar në mënyrën më të mirë sezonin e ri në Ligën Premier, pasi nuk ka arritur asgjë më shumë se një barazim pa gola ndaj Sunderlandit në Emirates.

Në një pasdite të mrekullueshme futbollistike në Londër, ishte mëkat që Arsenali nuk arriti të gëzojë tifozët e vet, të cilët ishin dëshmitarë të debutimit të Lukas Podolskit dhe Santi Cazorlas.

Wenger u paraqit në këtë takim me formacion 4-3-3, një strategji ofensive kjo, e cila bëri që Topçinjtë ta dominojnë takimin, por as se si ta gjejnë rrjetën.

Me këtë barazim shfaqet që në start mungesa e një finalizuesi si Robin Van Persie, i cili kaloi te Manchester United ditë më parë, kurse Arsenalit i mbetet të punojë në lojën e tij, që mbetet mjaft atraktive.

Category: Futboll