Buttner nënshkruan për United

Manchester Unitedi ka kompletuar transferimin e mbrojtësit Alexander Buttner nga Vitesse Arnhem.

Pas Shinji Kagawa, Nick Powell e Robin van Persie, ky është transferimi i katërt i Sir Alex Ferguson këtë verë, ndërsa holandezi ka nënshkruar kontratë pesëvjeçare me Djajtë e Kuq.

23-vjeçari ishte lidhur edhe me një kalim te Southamptoni, megjithatë United arriti që të sigurojë shërbimet e tij.

“Alexander është një nga mbrojtësit e majtë të rinj më të mirë në Evropë dhe ne jemi të kënaqur me transferimin e tij”, ka thënë Ferguson.

Category: Futboll