Di Matteo: Fillimi i mbarë na jep vetëbesim

Menaxheri i Chelseat, Roberto di Matteo, shpreson të vazhdojë me fitore edhe në ndeshjen e sotme kundër Reading.

Pasi mposhti Wiganin me rezultat 2-0 gjatë vikendit, Blutë mund ta marrin kreun duke shënuar fitore sonte.

“Është sigurisht më mirë ta luash këtë ndeshje tash, se sa të jesh një ndeshje prapa. Ndeshja e parë në ligë shpesh sjell rezultate të çmendura”.

“Gjithmonë është mirë të bësh një fillim të mbarë. Kjo ju jep vetëbesim dhe ju bën të besoni se mund të keni një sezon të mirë”, ka thënë Di Matteo.

Takimi i sotëm është i vetmi i Ligës Premier në mesjavë, dhe është caktuar më herët për shkak të participimit të Chelseat në finalen e Superkupës së Evropës javën e ardhshme.

Category: Futboll