Di Matteo i kënaqur me nënshkrimet e reja

Menaxheri i Chelseat, Roberto Di Matteo, ka shprehur ngazëllimin e tij me formën që tregojnë nënshkrimet e kësaj vere, pas fitores 4-2 ndaj Reading në takimin e mbrëmshëm.

Italiani ishte dëshmitar në takimin e mbrëmshëm kur përforcimi i verës, Eden Hazard, bëri tre asistime, për të ndihmuar Blutë të kthehen nga disavantazhi 2-1 për të fituar në fund të takimit.

“Nënshkrimet e reja sigurisht se na kanë impresionuar dhe po ashtu lojtarët që tashmë kanë qenë këtu ishin fantastikë dhe jam shumë i kënaqur me paraqitjen”.

“Hazard sigurisht se ka ndikim në ekipin tonë, dhe me Juan Mata me të cilin ai po funksionon shumë mirë. Ai po e kap ritmin shumë shpejt”, ka thënë Di Matteo.

Category: Futboll