Modric drejt Spanjës për të nënshkruar me Realin

Luka Modric raportohet se nesër (e enjte) do të fluturojë drejt Spanjës për të mbyllur transferimin e tij 30 milionë funtesh nga Tottenhami te Reali i Madridit.

Mesfushori do të niset drejt Spanjës pasi të paraqitet për Kroacinë në miqësoren kundër Zvicrës, që zhvillohet sonte. Burime kanë thënë për Goal se Reali ka arritur marrëveshje në vlerën 30 milionë funteve me klubin anglez për të mbyllur sagën e transferimit të kroatit.

Modric pritet të kalojë testet mjekësore gjatë dy ditëve të ardhshme para se të nënshkruajë marrëveshjen.

26-vjeçari ka kërkuar me ngulm transferimin te Reali, duke munguar në seanca stërvitore dhe duke refuzuar të udhëtojë me skuadrën në turneun para-sezonal në Shtetet e Bashkuara të Amerikës.

Category: Futboll