Silva: Barca do t’ia dalë edhe pa mua

Thiago Silva thotë se transferimi i tij te Paris-Saint Germain nuk do ta dëmtojë Barcelonën, që kishte shpresa të transferonte brazilianin nga Milani.

27-vjeçari aktualisht është duke luajtur në Lojërat Olimpike me ekipin e Brazilit dhe është pyetur nëse vendimi i tij për të shkuar në Francë do të ketë ndikim negativ te klubi spanjoll.

“Barcelona është një skuadër e shkëlqyeshme dhe ata kanë jetuar pa Thiago Silvan deri tash, siç kam jetuar unë pa Barcelonën. Kjo nuk do të bëjë ndryshim”.

“Unë mendoj vetëm për Olimpiadën. Unë kam nënshkruar me Paris Saint-Germain dhe shpresoj të kem sukses atje, siç kisha te Milani”, ka thënë Silva në një konferencë për media.

Brazili sot do të përballet me Korenë Jugore në gjysmëfinalen e Lojërave Olimpike.

Category: Futboll