Zyrtare: Van Persie transferohet te United
Golashënuesi më i mirë i sezonit të kaluar në Ligën Premier, nesër (e enjte) do të udhëtojë në Manchester për kompletuar transferimin.
“Klubi i futbollit Arsenal mund të konfirmojë se ka arritur marrëveshje për transferimin e Robin van Persiet te Manchester United”.
“Van Persie do të udhëtojë në Manchester të enjten me qëllim që të arrijë marrëveshje dhe të kompletojë testet mjekësore para lëvizjes së propozuar”, shkruhet në deklaratën e lëshuar nga klubi londinez.
Holandezi raportohet se do të nënshkruajë kontratë katërvjeçare me klubin në Old Trafford, që thuhet t’i ketë paguar Arsenalit 24 milionë funte.
Për 29-vjeçarin të interesuar ishin edhe Manchester City dhe Juventus.
Category: Futboll
0 Komente