Behrami: Nuk ishte lehtë kundër Shqipërisë

Valon Behrami ka ndjerë një presion të theksuar në ndeshjen e mbrëmshme kundër Shqipërisë, që ka zgjatur madje disa ditë.

“Me thënë të drejtën ka 3-4 ditë që ne shqiptarët e kombëtares zvicerane kemi pasur emocione të forta, një lloj ngarkese, që është normale”.

“Nuk ka qenë kollaj për ne që të luajmë kundër Shqipërisë. Kur e di se po luan kundër skuadrës që përfaqëson vendin tënd, zemra e ka pak vështirë të luajë. Por kështu e ka sporti dhe ndjehem mirë që kemi fituar”, ka thënë Valoni për Albinfo.ch.

Mesfushori mitrovicas është optimist se Zvicra do të përfundojë e para në grup.

“Jemi në rrugë të mirë për vendin e parë. Ka qenë shumë me rëndësi fitorja sot por kemi ende një rrugë të gjatë për të bërë deri në fund”, ka shtuar ylli i Napolit.

Category: Futboll