Prandelli nuk do ta marrë Maltën me lehtësi

Përzgjedhësi i Italisë, Cesare Prandelli, ka paralajmëruar lojtarët e tij të mos e marrin Maltën si një sfidë të lehtë, pas barazimit 2-2 ndaj Bullgarisë të premten.

“Nuk do të jetë e lehtë të fitohet me shumë gola. Unë i respektoj kundërshtarët tanë të radhës – ata janë një skuadër e ekuilibruar. Do të më pëlqente të fitoj me disa gola, por e rëndësishme është të gjejmë shpirtin e lojës tonë”.

“Ndoshta kundër Bullgarisë duhej të ishim përgatitur në një mënyrë tjetër, ndoshta kemi punuar tepër shumë. Duhet të mësoj nga kjo përvojë”.

“Dua të shoh një posedim të lojës me shumë pasime të shkurtra. Ne kërkojmë një avantazh numerik në mes të mesfushës”, ka thënë Prandelli.

Category: Futboll