US Open, Roddick shtyn lamtumirën

Në ditëlindjen e tij të 30-të (më 30 gusht), Roddick deklaroi se US Open do të jetë turneu i tij i fundit në karrierën profesionale të tenisit.

Megjithatë, me fitoren ndaj Tomic, amerikani e ka shtyrë së paku edhe për një ndeshje lamtumirën e tij.

Në xhiron e tretë, Roddick do të përballet me italianin Fabio Fognini, ndërsa në rast se kalon, në të tetën e finales mund të ndeshet me argjentinasin Juan Martin del Potro.

Nëntë vite më parë, pikërisht në New York ai fitoi titullin e vetëm Grand Slam, ndërsa ky do të jetë vendi nga ku do ta mbyllë edhe karrierën e tij.