CR 7 mund të bëhet golashënuesi më i mirë në histori të Realit

Ish-kapiteni i Los Blancos, Amancio Amaro, i cili me 155 golat e tij u zhvendos në pozitën e dhjetë, pasi mbi të u pozicionua Ronaldo (158 gola) pas het-trikut ndaj Ajaxit, ka thënë se portugezi mund ta kalojë edhe Raulin (323 gola) për t’u bërë golashënuesi më i mirë i të gjitha kohërave te Reali.

“Mbresëlënëse është se Ronaldo nuk është një sulmues, por një futbollist i kompletuar, një mesfushor që shënon gola. Por në kohën time dhe më parë, ishin po ashtu disa futbollistë mjaft të kompletuar, si Di Stefano, Puskas dhe Beckenbauer”.

“Ronaldo është një futbollist me shumë kualitete, duke përfshirë goditjen e fuqishme, i fortë me të dyja këmbët dhe me aftësi për të vrapuar me topin”, ka deklaruar Amancio për Goal.com.