Fitore e lartë e kampionit

Ekipi danez luajti futboll të mirë në pjesën e parë, mirëpo një gabim në mbrojtje u kushtoi me gol.

Torres rrëmbeu topin e dërgoi te Frank Lampard, i cili asistoi te Juan Mata dhe spanjolli i dënoi vendasit (33’).

Blutë arritën që në minutat e fundit të takimit ta tundnin edhe tri herë portën vendase.

Fillimisht, David Luiz e dyfishoi rezultatin (79’), më pas Mata realizoi golin e dytë personal (82’), ndërsa Ramires e vendosi rezultatin përfundimtar të takimit (88’).

Chelsea kryeson Grupin E me pikë të barabarta me Shakhtar Donetsk.