United merr pikë të plota

Modou Sougou e kaloi Patrice Evran në krah dhe lëshoi një krosim të ulët në drejtim të Pantelis Kapetanos, i cili gjeti hapësirë mes Evans dhe Ferdinand për t’i kaluar vendasit në epërsi (14’).

Pas një gjuajtje të lirë të ekzekutuar nga Wayne Rooney, Robin van Persie e barazoi rezultatin (29’). Holandezi ka mundur të shënojë së paku het-trik në pjesën e parë falë rasteve të shumta, mirëpo skuadrat shkuan në pushim me shifra identike.

Ishte sërish van Persie, futbollisti që në fillim të gjysmës së dytë (49’) e shënoi golin që rezultoi i fitores.

Pas dy xhirosh, Manchester United numëron gjashtë pikë dhe kryeson Grupin H.