Llorente i gatshëm të kalojë te Juve në janar

Futbollisti i Athletic Bilbaos ishte pranë kalimit te Zonja e Vjetër gjatë verës, mirëpo transferimi dështoi pasi Biancinerët nuk ishin të gatshëm të paguanin shumën e kërkuar nga klubi spanjoll.

“Në verë, ai deshi t’i bashkohej Juventusit, mirëpo Athletic Bilbao nuk dëshironte ta shesë më pak se çmimi që gjendet në kontratën e tij”.

“Në Itali gjatë janarit? Pse jo? Është një kampionat i shkëlqyer dhe Fernandos do t’i pëlqente të luajë atje”.

“Juventusi është një ekip i shkëlqyer, por të tillë janë edhe Interi, Milani, (pastaj) Manchester City e të tjerë (të interesuar për të). Do të shohim se çfarë do të ndodhë”, ka theksuar agjenti.