Mancini: Duhet të përmirësohemi shpejt

City sonte do ta presë në Etihad Stadium kampionin e Gjermanisë, Borussia Dortmund, dhe do të kërkojë pikë maksimale për të shmangur eliminimin e hershëm nga gara evropiane.

“Po, ne kemi nevojë për kohë për t’u përmirësuar në Ligën e Kampionëve, por nuk kemi shumë kohë. Ne kemi vetëm pesë ndeshje dhe nuk mund të pranojmë gola siç pranuam kundër Real Madridit. Duhet të përmirësohemi shpejt”.

“Është e rëndësishme të shkojmë në fazën e dytë, pasi pas kësaj gjithçka mund të ndodhë, pasi ne jemi një ekip i mirë”, ka thënë Mancini.