Pensionohet Michael Ballack
Mesfushori mbrojti ngjyrat e katër skuadrave në Ligën e Kampionëve dhe u paraqit në 98 ndeshje për kombëtaren gjermane, ndërsa tani ka vendosur t’i jap fund karrierës së tij pasi ishte liruar nga Bayer Leverkuseni më herët gjatë vitit.
“Në moshën 36 vjeçare unë mund të kthehem në kohë dhe të kënaqem me gjërat që i kam ëndërruar si fëmijë. Ishte privilegj që të punoj me trajnerë dhe lojtarë fantastik. Tani po shikoj tutje në një kapitull tjetër të jetës time”.
“Do të më mungojnë kohërat kur luaja para 80 mijë njerëzve dhe shënimi i golave. Muajt e fundit pa futboll më kanë thënë se duhet të ndalem”, ka thënë Ballack.
Michael Ballack konsiderohet një prej mesfushorëve më të mirë gjerman në histori, ndërsa e mbaron karrierën pa fituar asnjë titull të madh me kombëtaren dhe me dy disfata në finale të Ligës së Kampionëve.
Category: Futboll
0 Komente