Barca fiton lehtë te Benfica

Ishte Barcelona që shfrytëzoi fillimin e takimit për të realizuar dhe këtë e bëri me anë të Alexis Sanchez (6’), i cili u tregua i sakt pas pasimit të bukur të Lionel Messit.

Në vazhdim Benfica u tregua e rrezikshme duke kërkuar golin e barazimit, por Valdes ishte më meritori që vendasit mbetën pa shënuar.

Në pjesën e dytë Barca tregohet përsëri konkrete. Cesc Fabregas (56’) e dyfishoi epërsinë, duke garantuar në njëfarë mënyre lidershipin e Barcelonës.

Vendasit tentuan të barazojna, por ato tentime ishin të kota dhe sfida përfundoi me rezultat 2-0 për katalanasit.

Vlen të përmendet se kapiteni i Barcelonës, Carles Puyol u lëndua shumë rëndë, pasi në pamjet e para shihet se e ka thyer dorën pas një dueli të ashpër në zonë me një lojtar kundërshtar.

Pas dy ndeshjeve Barcelona ka gjashtë pikë në Grupin G dhe e kryeson atë, ndërsa vijohet nga Celtic që ka katër pikë dhe Benfica që ka vetëm një pikë. Spartaku është pa pikë.