Drita vjen në Prishtinë për të kërkuar këndelljen

Unknown | Thursday, November 15, 2012 |

Mesfushori i Dritës së Gjilanit, Genc Sermaxhaj, nuk e ka frikë skuadrën e Prishtinës. Ai thotë se ekipi i tij, në ndeshje kundër Prishtinës do të synojë t'i fitojë pikët e plota. Ndeshja Prishtina - Drita zhvillohet të mërkurën (13:00), në kuadër të xhiros së parafundit (16) për pjesën vjeshtore të Raiffeisen Superligës së Kosovës në futboll. Drita zë vendin e katërt me 23 pikë, shtatë më pak se liderja, Prishtina.

"Do të udhëtojmë për të fituar ndeshjen, por nëse kjo nuk arrihet do të kënaqeshim edhe me një barazim. Ne do të synojmë që nëpërmjet kundërsulmeve ta rrezikojmë Prishtinën. Thonë që Prishtina është klubi më i mirë në vend, por unë nuk mendoj kështu. Drita është një skuadër më e mirë, pasi jemi skuadër e komponuar më mirë se Prishtina", ka thënë Sermaxhaj.

Drita në fundjavë u mposht thellë në shtëpi me rezultatin 4:0 nga ekipi vushtrrias, Llamkos Kosova, derisa Prishtina fitoi një pikë në udhëtim ndaj Drenicës. 

Mbrojtësi i Prishtinës, Labinot Ibrahimi, me bindje thotë se pikët do të mbesin në Prishtinë.

"Do të kërkojmë fitore dhe asgjë tjetër. Prishtina gjithmonë lufton për fitore dhe besoj se pikët e plota do të mbesin në Prishtinë. Nuk mendoj se do ta kemi të vështirë ndaj Dritës, pasi jemi një skuadër më e mirë dhe me emërimin e Afrim Tovërlanit si trajner ne jemi stabilizuar si skuadër. Kemi bërë një skuadër shumë të mirë dhe të komponuar", ka thënë Ibrahimi.



Vëllaznimi - Drenica

(F. Tahiri, D. Preniqi, G. Mehmeti)

Trepça - Liria

(K. Vula, K. Bajrami, S. Haziri)

Ferronikeli - Besa

(A. Hoxhaj, L.Muhadri, B. Këpuska)

Prishtina - Drita

(S. Isufi, Arton Latifi, M. Aliu)

Hajvalia - Hysi

(G. Shala, B. Batalli, M. Rrahimi)

t: E enjte (13:00)

Llamkos Kosova - Trepça `89

(G. Nuza, Z. Berisha, A. Ramadani)

 1. Prishtina    15    30

 2. Trepça'89    15    28

 3. Trepça    15    24

 4. Drita    15    23

 5. Hysi    15    21

 6. Hajvalia    15    21

 7. Feronikeli    15    19

 8. Besa    15    18

 9. Ll. Kosova    15    15

10. Vëllaznimi    15    14

11. Drenica    15    13

12. Liria    15    13 

Category:

Ju pelqen artikulli shperndaje me shoke!