Pa fitues

Në gjysmën e parë u shënua vetëm një gol, nga Blutë. Një harkim të Juan Matas në zonë e priti John Terry për të gëzuar tifozët në Stamford Bridge (20’).

Mata dhe Oscar huqën raste të mira shënimi për ta ngritur më shumë epërsinë e vendasve.

Ndërkohë, mysafirët patën posedimin më të madh të topit, por në çerekun e fundit të gjysmës së parë ishin të pafuqishëm.

Lëndimi i Terryt ishte një element për t’u përmendur, që padyshim se u dha shtytje Redsave për të kërkuar më shumë në fraksionin e dytë.

Në gjysmën e dytë, ‘Të Kuqtë’ filluan të zhvillojnë lojë më të hapur duke kërkuar golin dhe ia arritën qëllimin.

Pas një harkimi nga këndi të Gerrard, Jamie Carragher pasoi te Luis Suarez, i cili e barazoi rezultatin (73’).

Ky barazim e lë Chelsean tri pikë prapa liderit Manchester United dhe një prapa pozitës së dytë që e mban Manchester City.

Liverpooli, ndërkohë, është i 13-ti në tabelë me 12 pikë të grumbulluara pas 11 javësh.