Pike: Votoj Mesin për "Topin e Artë" Barcelona ka probleme ne mbrojtje

Mbrojtësi i ekipit të Barcelonës Zherard Pike në një intervistë për mediat spanjolle është ndalur gjatë në jë analizë për blaugranët, por edhe për fituesin e “Topit të Artë”.

Mbrojtësi rikthehet në ekip pas një mungese që e mbajti larg fushave për shkak të një dëmtimi. Pike fillimisht është pyetur në lidhje me faktin se cilin do të votonte për “Topin e Artë”.

“Nuk ka asnjë dyshim që do të votoja për Lionel Mesin, pasi është futbollisti më i mirë që kam njohur në karrierë. Jam i apasionuar pas talentit që gëzon argjentinasi. Prandaj nuk ka si të ndodhë ndryshe dhe vota ime do të jetë për Mesin. Madje nuk do të votoja as për vete” shprehet Pike.

Ndërkohë që Pike nuk ka lënë jashtë vëmendjes edhe problemet në repartin e mbrojtjes që kanë shfaqur blaugranët në ndeshjet e fundit duke pësuar shumë gola. “Ky është një problem që duhet të ndreqet sa më shpejt. Barcelona ka pësuar shumë pak gola në edicionet e fundit, por këtë edicion duket se dicka calon” përfundon Pike.

(D.B/SHQIPTARJA.COM)