Prandelli le të hapur derën për De Rossin

Mesfushori u dërgua jashtë loje në derbin e vikendit kundër Lazios, pasi goditi Stefano Maurin dhe, edhe pse Prandelli qëndron prapa vendimit të tij për ta lënë atë jashtë skuadre për miqësoren e nesërme ndaj Francës, ai ende e respekton mesfushorin si individ.

“Nuk kam dyshime për De Rossin si person. Herë pas here ndodhin gjëra të cilat prekin nervat, dhe ai e di se ky incident nuk duhej të ndodhte”.

“Ne duhet të mbajmë mend se De Rossi është një fans i Romës, përveç që është lojtar i klubit. Ai i ndjen ndeshjet si askush tjetër, por ai shkoi shumë larg kësaj here”.

“Daniele i ka kërkuar falje Maurit dhe mendoj se ky është një gjest i mirë. Nuk kam folur me të personalisht, por do ta bëj këtë në orët në vazhdim”, ka thënë Prandelli. /Telegrafi/