Messi: Edhe Barça duhet të mposhtet ndonjëherë!

Ndodhi ‘çudia’, Barcelona u mposht nga Real Sociedadi (3:2) duke përjetuar humbjen e parë në stinor në Primera, kurse Leo Messi vlerëson se kjo edhe nuk ishte aq e papritur.

“Është dashur që edhe ne të humbin në ndonjë ndeshje. Duhet sa më shpejt të rikuperohemi nga kjo humbje dhe të sjellim gjërat në vend, pasi që tash na pret ndeshja në Kupë”, ka thënë shkurt Messi pas humbjes në San Sebastian.

Messi këtë e pranoi në mënyrë sportive, derisa Pedro këtë mossukses e kërkoi në vendimet e gjyqtarëve.

“Përjashtimi i Piques ishte pika thyese e takimit, kurse ndërhyrja e tij nuk ishte për karton të kuq. Të enjten nuk guxojmë të mposhtemi”, ka thënë Pedro.

Barcelona të enjten udhëton në Malaga në ndeshjen e kthimit kundër Malagas. Ndeshja e parë në “Camp Nou” përfundoi 2:2. (ORAinfo)