Sigal Prishtina e Trabzoni, e nisin me fitore

Sigal Prishtina dhe Trabzonspori e kanë nisur me fitore turneun ndërkombëtar të basketbollit ‘TEB Tournament’, i cili nisi sonte në Prishtinë.

Në duelin e parë, që u zhvillua më herët, skuadra turke ia doli ta mposht Lirinë e Shkupit me rezultat 76-59. Ndërkaq, në duelin e dytë bardh e kaltrit fituan në duel me skuadrën tjetër turke Aliaga Petkim me rezultat 75-71.

Nesër do të zhvillohen ndeshjet tjera të këtij turneu. Nga ora 17:45 do të ketë përballje turke, Aliaga – Trabzonspor, kurse nga ora 20:00 në parket do të zbresin Sigal Prishtina dhe Liria. /Express/Telegrafi/