NBA: James udhëheq Cavaliers në fitoren ndaj Hawks

LeBron James tregoi se pse ai është MVP i NBA-së, duke shënuar 34 pikë për Cleveland Cavaliers që fitoi 99-72 ndaj Atlanta Hawks në ndeshjen e parë gjysmëfinale në Konferencën Lindore.
James, i cili të hënën morri titullin Lojtari Më i Vlefshëm (MVP) i këtij sezoni në NBA, duke mposhtur bindshëm Kobe Bryant dhe Dwane Wade, kontribuoi po ashtu edhe me 10 kërcime, katër vjedhje dhe tre asistime.Mo Williams shënoi 21 pikë dhe Delonte West 13 të tjera për Cavaliers, të cilët do të jenë nikoqir edhe të ndeshjes së dytë gjatë të enjtes. Josh Smith shënoi 22 pikë për Atlanta, derisa Mike Bibby ndihmoi me 19 pikë.Në Konferencën Perëndimore, Denver Nuggets shënoi fitore 117-105 ndaj Dallas Mavericks, pavarësisht se këta të fundit u ndihmuan me 35 pikë nga Dirk Nowitzki. Carmelo Anthony shënoi 25 pikë për Nuggets, që tash avancojnë 2-0.

Category: Basketboll