Valdano: Do të duhet shumë punë për transferimin e Ribery

Menaxheri i përgjithshëm i Real Madridit, Jorge Valdano, thotë se Mbretërit duhet të punojnë shumë për të siguruar shërbimet e anësorit të Bayern Munichut, Franck Ribery.
Los Blancos sapo kanë siguruar shërbimet e superyllit brazilian, Ricardo Kaka, ndërkohë në radhë janë Ribery, Ronaldo dhe David Villa. “Fjalët për Riberyn nuk janë vetëm spekulime. Negociatat janë një punë e vështirë dhe gjërat që duken shumë të thjeshta, në fakt janë të komplikuara”. “Jemi duke punuar në shumë gjëra përnjëherë, por dalëngadalë do të t’i arrijmë objektivat tona”. “Padyshim që do të vijnë lojtarë tjerë. Ne po punojmë ‘prapa skenave’ dhe po mundohemi ta ndërtojmë një skuadër të mirë”. “Mirëpo nuk do të japim parashikime ose diçka, por do të flasim vetëm atëherë kur të kemi nënshkruar me ndonjë lojtar”, është cituar Valdano nga "El Mundo Deportivo”.

Category: Futboll